Сундерьковонь 21-це чистэ Республикань Кудосонть ютавтовсь Равчирень федеральной округсо РФ-нь Президентэнь полномочной представителенть Игорь Комаровонь ды Мордовия Республикань Прявтонть Артём Здуновонь вастовомась. Тосо ульнесь МР-ва прявт федеральной инспекторось Анатолий Гулин. Кортавсть республикань социально-экономической виевгавтомань ды регионсонть общественно-политической тевтнень ванстомань кевкстематне.
«Мордовиясь ней саи вадря темпат касомасонть-кепетемасонть, полады вадрясто важодеме, истя жо ашти невтемакс лия регионтнэнь туртов», – тешкстызе Игорь Комаров.
Мордовиянь Прявтось тешкстызе: республикась касы-кепети Россиянь Президентэнть лезксэнзэ вельде. «Эште аволь умок минь кортынек покш госдолктонть. Ды вана неть читнестэ минь ютынек государственной финанстнэнь управлениянь алкине качества марто группастонть вадря управления марто группантень. Кемень иетнень перть те лиссь васенцеде. Те покш важодема, конась ютавтови минек Президентэнть кармавтоманзо коряс, – мерсь Артём Здунов. – Важодтяно налогонь юронть ды бюджетэнь доходтнэнь кастоманть лангсо, уш зярыяксть ламолгадсь ОПК-нь предприятиятнень пельде каршо максомась, минь весе важодтяно изнямонть лангс».
10 ковтнень коряс редяви вадря динамика промышленностесэ ды АПК-со. Тедеде колмоце пельксэс келейгавтозь «Рузаевка» ТОСЭР-нь границятне. Иенть прядовомс арсеви панжомс республикасонть васенце экономикань башка зона. Рекордонь невтевкстнэсэ тешкстазь велень хозяйствань иесь, пурназь 2 млн седе ламо тоннат сюро – васенцеде республикань историянть перть.
Мордовиянь Прявтось евтась сюкпря Игорь Комаровнень лездамонть кисэ ды тешкстызе, регионось бажи ванстомс касомань-кепетемань вадря динамиканть.
Мордовия Республикань Прявтонь пресс-службась