Мордовиянь вечкевикс эрицят! Ёвтан тенк седейшкавань поздоровт Весероссиянь семиянь, вечкемань ды кемемань чинть кувалма!
Эрьва иестэ те кенярксчись седеяк вечкеви минек масторонь эрицятненень ды мельспаро, сонензэ явить мель од ломантне. Иневанькс благовернойтнень Петр ды Феврония Муромскойтнень историясь – вечкемань ды кавто седейтнень кеме сюлмонь тешкст, сынь невтить семиясо уцясканть.
Семиясь, вечкемась, кемевиксчись, малавикстнэнень мелень явомась – эрьва ломаненть эрямосо прявт питнейчитне.
Тетятнень-аватнень ютксо ладямось, вечкемань ёжось улест эйкакштнень туртов оймень лембечинь, ладямонь ды вейке вейкенень мелень явомань невтемакс. Ансяк кеме семиясо чарькодеви, мезе истямо часиясь ды кенярксчись, изнявить куш кодат стакачитне. Самай тесэ кемекстави тиринь масторонтень вечкемась, нравственностесь ды мельтнень-арсематнень ваньксчись.
Семиясь ульнесь ды кадови оймень, раськень ды культурань койтнень-кирдатнень ванстыцякс, поколениятнень преемственностень юрокс, стабильностень ды виевгавтомань тешксэкс. Теке шкане – те пек покш важодема, эдь семияс вейс сюлмавомась путы покш ответственность малавикстнэнь уцяскаст кисэ.
Седейшкава арсян часия ды паро эрямо тетятненень-аватненень, кить кастыть аволь ансяк эсест, истя жо трямо саезь эйкакштнень, ламо эйдень кастыця семиятненень, мирдтненень-нитненень, кить ламо иень перть эрить вейсэ, истя жо ансяк урьвакстозетненень-венчазетненень ды сетненень, кить ансяк бажить теемс эсест семияст!
Кадык тынк семиясо свал кармить вечкема ды вейкень-вейкень чарькодема!
Мордовия Республикань Прявтось В.Д.ВОЛКОВ