Январень 21-22 читнестэ Московсо ютавтовсь «Единая Россия» партиянь XVI съездэсь. Сонзэ важодемасонть примасть участия 3 тёжадо ламо ломанть - делегатт, профилень министерствань важодицят, Госдумань депутатт. Съездэнь 696 делегаттнэнь эйстэ Мордовиянь невтизь 8 ломанть. Съездэнть важодемасонзо примась участия Республикань Прявтось Владимир Волков, сон кочказь Единая Россия» Партиянь Высшей советс.
Съездэнь васенце чистэнть важодсть дискуссиянь площадкат, косо кортасть партиянь кочкамонь программань топавтомань васенце итогтнеде, ванкшновсть властень важодемань ды ломантнень контролень, предпринимательствантень лездамонь ды бюджетэнь ярмактнень лезэвстэ ютатвомань, наукань, образованиянь, культурань кевкстематне.
Съездэнь омбоце чистэнть ютавтовсь пленарной заседаниясь, конань коряс кемекстазь прявт кармавтомат, ютавтовсть кадрань полавтомат партиянь составсонть.
- Съездэсэнть максозь питне промышленностенть, велень хозяйствань, строямонь ды лия отраслятнень виевгавтомантень, - мерсь Мордовиянь Прявтось Владимир Волков. - Ёвтазель, весе неть ёнксттнэнь коряс важоди «Единой Россиясь». Башка тешкстазель партиянть ответственностезэ минек масторонть экономикань ды социальной сферань виевгавтоманть коряс. Текень пингстэ топавтовить партиянь проектт. Сынст юткссо - «Наш двор». Кортамось моли кудотнень маласо таркатнень вадрялгавтомадост, ломантнень эрямост туртов вадря условиятнень теемадост. Съездсэнть ветявсь башка кортамо мезе эряви теемс тень коряс. Съездэсэнть башка мель явозель велень хозяйстванть виегавтомантень, тешкстазель, те проектэсь ашти прявтокс. Велень хозяйствась улезэ икелев молицякс, эрязасто виевгавтовиця отраслякс, конась топавтсы минек матсоронть продовольствиянь безопасностенть. Съездэсэнть кепедезельть кевкстемат социальной сферанть, здоравоохранениянть, образованиянть, науканть седе тов виевгавтомадост. «Единой Россиянтень», конась саи ламо таркат Госдумасо, эряви кемекстамс истят законтт, конат кармить эрязасто лездамо масторонть виевгавтомантень. Партиясь саи эсензэ лангс тень кисэ ответственностенть.
Владимир Волков: «Ёвтан сюкпрянь валт минек весе кочкицятненень, «Единой Россиянь» весе члентнэнень. Партиянь Высшей советс монь совавтомась, Генеральной советс Владимир Чибиркинэнь ды Василий Пискаревонь совавтомась кортыть «Единой Россиянь» прявтнэнь кемемадост минек региононь отделениянтень. Те Мордовиянть важодемантень питнень максомась».