Вастовоманть панжомсто, республикань Прявтось тешкстызе, те телесь кандсь ламо апак учонь тевть. «Минь васенцеть ПФО-со ловонь прамонть коряс, – тешкстызе Артём Здунов. – Покш сталмо ульнесь Россетень весе подразделениятнень лангс, ды мон арсян, тынь весементь топавтынк вадрясто. Покш сюкпря важодемань ладямонть кисэ».
Эрицятненень электроснабжениянь свалшкань пачтямось – прявт тев. «Россети Волга» евтась мель территориальной сетевой организациятнень марто вейсэнь тевдеемадо вейсладямонь тешкстамонть коряс. Документэсь аравтозь нештатной тевтнень витеманть пингстэ тевдеемань ладямонтень. «Ней минь эрязасто ютавтано тонавтнемат регионтнэсэ, прядынек Чувашиясо, Саратовань областесэ, ней кармить Мордовиясо. Ваннотано, мезе эряви теемс стака тевтнень пингстэ», – мерсь Александр Гаврилов.
«Россети Волга» ПАО-нь руководителесь истя жо тешкстызе, 2023 иестэ Мордовиясо компаниянь инвестиционной программань финансированиясь кармась 496 млн целковойть. 2024 иестэ распределительной электросетевой комплексэнтень инвестициятнень финансированиянть арсеви кастомс 100 млн седе ламо целковойтнес – капитальной путовкстнэнь финансированиясь карми 603 млн целковойть.
Республикасонть энергетиктнень важодемань прявт енкстнэстэ вейкесь – электрической сеттнес технологической вейсэндявомась. Мелят «Россети Волга» ПАО-нь филиалось – «Мордовэнерго» топавтсь технологической вейсэндявомань коряс 992 яволявтомат. Сынст ютксо – Саранскойсэ ды Темниковань енкссо эрямонь объекттнэ, Сыре ломантнень ды инвалидтнэнь туртов Заречноень ды Краснослободскоень кудотне-интернаттнэ, «ЭМ-КАТ» производственной предприятиясь, Вышинской чувтонь обработкань комбинатось, китнень хозяйствань объекттнэ. Энергетиктне анокстыть инфраструктура Мордовиясо национальной проекттнэнь топавтоманть туртов. Истя, 2024 иестэ ютавтови важодема отходтнэнь переработкань коряс межмуниципальной покш комплексэнть, Саранскойсэ ды Белозерье велесэ (Ромодановань енкс) школатнень, «Урал» федеральной трассань педе-пев витнемань объекттнэнь электрической сеттнес вейсэндявоманть коряс.
Мордовия Республикань Прявтонь пресс-службась