«Биохимик» заводось сови «Промомед» компаниятнень группантень, топавты фармацевтической производствань пешксе цикла – молекуласто саезь лекарствань анок форматнень видьс, топавты национальной лекарственной безопасностенть. 2023 иестэ компаниянь портфелесь пештевсь 300-це препаратсонть, важодемасо эште малав 100 лекарствань средстват, сынст ютксто 35-40 молекулатне улить максозь серийной производствас тедеде. Од молекулатнень покш пельксэсь кандови онкологиянь орматнень, инфекционной гепатиттнэнь, ВИЧ-нь терапиясо, эндокринологиясо ды неврологиясо эрямонь туртов эрявикс препараттнэнь юткс. Компаниясь эрязасто прими участия импортонь полавтомань программасонть, виевгавтозь наукань юрось лезды ертомс тердема омбо масторонь продукттнэнень ды полавтомс рынкастонть туиця омбо масторонь производительтнень. Аволь умонь невтевксэсь – 2022 иенть прядовомсто датской компаниясь яволявтсь сахарной диабетсэ сэредицятнень лецямост туртов пек эрявикс лекарстватнень пачтямотнень лоткавтомадост, 2023 иень эйзюрковсто алкукс лоткавтынзе груздямотнень. «Промомедэсь» анокстась препарат ды сонзэ тевс нолдамонть туртов шприц-ручка. 9 ковтнень ютазь «Медсинтез» заводонть марто кооперациясо рынкас лиссть отечественной аналогонь препаратт, конат целанек полавтызь фармацевтической аволь ояксчинь производителень продукциянть.
2023 иестэ «Биохимиксэ» пешксе вийс лиссь таблеткатнень ды капсулатнень производствань коряс полуавтоматической линиясь – масторсонть вейкине ды колмотнестэ вейкесь, конат путозь Европасо. Сон панжовсь масторонь Президентэнть Владимир Путинэнь улеманзо вельде. Од линиянть виензэ – иезэнзэ 1 млрд таблеткатнень ды капсулатнень видьс – невтить импортонь алкуксонь полавтоманть масторонь фармацевтической отраслясонть.
Полномочной представителенть содавтызь «Оптикэнерго» компаниятнень группань производствань вийтнень марто. Игорь Комаров ды Артём Здунов якасть «ЭМ-КАБЕЛЬ», «ЭМ-КАТ» ды «ЭМ-ПЛАСТ» предприятиятнес.
Тедеде «ЭМ-КАБЕЛЬ» заводсонть нолдазь кабелень производствань коряс цехесь, покш пельксэнть тесэ саи импортонь полавтыця продукциясь. Те телекоммуникационной оборудованиянь туртов кабельтне. Неень шкане санкциянь политиканть кувалма – те питаниянь источниктнес базовой станциятнень вейсэндямонь туртов вейкине альтернатива. Продукциясь вадрясто невтизе эсь прянзо ды пачтяви Россиянь прявт телекоммуникационной компаниятнес.
Предприятиясонть истя жо нолдавить килангонь тросонь пирявт. Те отбойниктнень альтернатива, ансяк седе куватьс сатыця ды седе шождасто нолдавиця тевс. Тросонь пирявтнэ эрявить ардомань каршо полосантень автомобильтнень а нолдамост туртов. Текень пингстэ сонсь автомобилесь а яжави, те ванстасы ветицянть ды пассажиртнэнь эрямост. Икеле истят трост Россиясо эзть нолда.
«ЭМ-КАТ» заводсонть Игорь Комаровнень невтизь од технологиятнень коряс литейной производстванть. Сонзэ башка енксонзо – валомань аволь покш питнесь, нолдавиця продукциянь покш видечись, стака конфигурация марто теевкстнэнь нолдамось, производствань покш автоматизациясь, пек аламо тевкадовкстнэ. Проектэнь лувось лади Россиянь Минпромторгонь металлургиянь коряс тевтненень. Од площадкань производствань возможносттне лездыть топавтомс эрьва кодамо отраслятнесэ вешематнень – те чугункань кинь транспортось ды метрополитенэнь подвижной составось, автокомпоненттнэ, велень хозяйствань техникась, энергетикась ды ламо мезе лия.
Импортонь полавтыця ламо продукция нолдави «ЭМ-ПЛАСТ» заводсонть. Сынст ютксо экологиянь коряс зыян а кандыця полиолефинстэ вете слоень пленка, конась нолдави тевс ярсамопелень промышленностесэ, полиграфиясо, отделкань материалтнэнь рынкасонть. Кода евтнесь «Оптикэнерго» КГ-нь управлениянь, инновационной ды инвестиционной тевдеемань коряс генеральной прявтонь полавтыцясь Эвир Боксимер, вете слоень пленка Россиясо нолдыть ансяк сынь. Игорь Комаров ды Артём Здунов истя жо якасть «Оптиковолоконные Системы» заводонтень. Те Россиясо вейкине предприятия оптической волокнань серийной производстванть марто. Производствань вийтне – оптоволокнань 4 млн вайгельбеть – лездыть 50% топавтомс Россиянь кабелень заводтнэнь оптической волокнань коряс вешемаст ды 100% – государственной закупкатнень туртов. 2023 иестэ «Оптиковолоконные Системы» компаниясь эскельдизе нолдазь оптоволокнань 12 млн вайгельбетнень тешксэнть. Производствань келейгавтоманть туртов прявт сценариекс ашти преформатнень нолдамонь коряс заводонь строямось. Проектэнть кирдизе масторонь Президентэсь Владимир Путин, ней моли важодема проектэнь документациянть ды финансированиянь варианттнэнь коряс.
Мордовия Республикань Прявтонь пресс-службась