Россиянь Юстициянь министрась тешкстызе, закононь топавтоманть лувсо васняяк витевест икеле пекстазетненень важодемань таркатнень максомань кевкстематне – прявт таликась те важодемасонть регионтнэнь кедьсэ. Прявт тевесь – пробациянь институтонть лезксэнзэ пингстэ теемс рецидивной преступностень киртямонь лувт.
Эсь пачтямосонзо республикань Прявтось Артём Здунов евтнесь те енкссонть региононть важодемадонзо. Мордовиясь эрязасто важоди пробациянь коряс закононь тевс нолдамонть коряс ды топавты икеле пекстазетненень важодема таркатнень максомань коряс варчамонь проектэнть, примазь закон, конась вансты икеле чумондозетнень, важодить социальной обслуживаниянь кавто организацият.
«Минек тешкстазь вейсладямот аволь ансяк Юстициянь министерстванть, чумондомань топавтомань федеральной службанть марто, истя жо минь совавтано те важодемантень общественной ды религиозной организациятнень, бизнесэнь ды НКО-нь представительтнень», – тешкстызе региононь руководителесь.
Артём Здунов тешкстызе, икеле чумондозетненень важодемань таркатнень максомань коряс варчамонь проектэсь – те региононь предприятиятнесэ кадратнень улемань пек эрявикс резерва. Мордовиянь вадря практикатнестэ вейкесь – нолдавиця пекстазетнень реестрась, ды сеттнень, кить бажить ютамс тонавтнема эли муемс важодемань тарка.
«Вадрясто нолдазь тевс «Работа России» порталсонть пекстазетнень, конат нолдавить 9 ковтнень ютазь, резюметнень анокстамонь ды путомань сервисэсь. Анокстазь ды варчазь аудио-ярмункатнень ютавтомань кейсэсь – ютавтозь 25 истят мероприятият, важодемань тарка максозь эрьва колмоце нолдазентень», – евтнесь Артём Здунов.
Тешкстазель: кемекстазь тевтнень коряс улить цетавкст – 2023 иестэнь икеле шканть коряс 11% киртявсть колониятнес омбоцеде понгозетне.
Кортамонзо прядовомга Артём Здунов евтась мель ютавтомс Мордовиясо «Реализация принципов постпенитенциарной пробации» регионъютконь форум. Константин Чуйченко кирдизе те арсеманть, тешкстызе: Мордовиясь лади истямо мероприятиянь ютавтомань таркакс – пробациянь институтонь тевс нолдамонь кевкстемась пек эрявикс республиканть туртов.
Мордовия Республикань Прявтонь пресс-службась