Аштемковонь 24-це чистэ Владимир Волков ульнесь республикань паксятнесэ ды ваннызе, кодамо норов учови тедеде. Эряви тешкстамс, те тундостонть видемань тевтне регионсонть мольсть коронавирусонь инфекциянть каршо бороцямонь стака шкастонть, ансяк сюронь-тикшень кастыцятне топавтызь тевест пек вадрясто.
Васняяк ваннозельть Чаунза ёнксонь «МАПо и К» ООО-нь паксятне, тосо анокставсь сенаж. Хозяйствань пярвтось Николай Ютяев ёвтнесь, тикшесь тедеде паро, модасонть начкось сатышка, секскак анокстазь кором 5,5 тёжат ракшатнень туртов – 25 тёжат тоннадо ламо. Паксятнесэ важодсть велень хозяйствань неень шкань техника. Од комбайнатне керить тикшенть ундоксос, кадыть ансяк 2 сантиметрат! А дивавты, мекс велень хозяйствань неень шкань техникасонть важодемась вечкеви од ломантненень. Кода мерсь Мордовиянь Правительствань Председателень васенце полавтыцясь - велень хозяйствань ды продовольствиянь министрась Владимир Сидоров, республикасо седе ламо чачозетне велявтыть тиринь ёнксов, важодить велень хозяйствань предприятиятнесэ. Аграрийтнень туртов 50 тёжат целковоень покшолмасо зарплатась – те норма.
«Магма Хорошее дело» ООО-нь кснавонь паксясь дивавтынзе натой специалисттнэнь. Тесэ учов пек сюпав норов.
Те чистэнть республикань Прявтось истя жо ваннынзе «Калиновское» ООО-нь паксятнень, конатне аштить Дубенкань ёнкссо. Элитной сортонь озимой товзюронь, тритикалень (товзюронь ды розень гибридэнь) ды пиянь пидемань пинемень певтеме паксятне тердить артыцянь кедь. «Калиновскоень» юрсо течи теезь видьмень хозяйства, конась важоди наукань лувонть коряс. Тесэ кастови масторонь видьмень фондось – кснавонь 5 сортт, озимой товзюронь 12 сортт, 2 тритикалеть, эштё – пиянь пидемань пинеме. Пинементь лангс ванозь, Владимир Волков ледстинзе европань аграрийтнень важодемаст марто содавтомань васенце мельтнень, те ульнесь комсь иеде икеле омбо масторсо.
«Мон дивазь ванынь сынст паксяст лангс, косояк арась тикшине, сюронь прятне токшить вейке вейкест, ды арсинь, вана бу минекак истя улевель. А ней неян – минек седеяк вадрят! – мерсь республикань Прявтось. – Тесэ зяро урожайностесь?»
«Гектрастонть сядо центнердэ седе ламо!» – толковизе велень хозяйствань предприятяинь прявтось Петр Кувыркин.
Хозяйствась кемекстась договорт пачтямс видьметь 16 институтс, видевить жо суперэлитной сорттнэ. Цётавкстнэ неявить – урожайностесь гектарсто 100 центнердэ седе ламо, текень пингстэ Мордовиясо кастозь видьметнень улить лия ёнов а молиця ёнксост: а пелить якшамодо, ормадо ды унжадо. А дивавты, те иень норовось Петр Кувыркинэнь рамазь уш ундоксто. Минек аграрийтненень видьме мельга сакшныть весе масторонть келес, истя жо лембе ёнксонь регионтнэстэ.
Республикань Прявтось макссь покш питне мордовиянь аграрийтнень важодемантень.
«Те масторлангонь уровня, вий! Ды миненек а эряви лоткамс изнязенть лангс», - мерсь Владимир Волков.
Маласо шкастонть республикасонть ветяви Мордовиянь велень хозяйствань предприятиянь прявттнэнь промксось, ёвтавить маштомачитне-ёрокчитне, путовить тевть маласо шкантень.
Мордовия Республикань Прявтонть пресс-службась
Васняяк ваннозельть Чаунза ёнксонь «МАПо и К» ООО-нь паксятне, тосо анокставсь сенаж. Хозяйствань пярвтось Николай Ютяев ёвтнесь, тикшесь тедеде паро, модасонть начкось сатышка, секскак анокстазь кором 5,5 тёжат ракшатнень туртов – 25 тёжат тоннадо ламо. Паксятнесэ важодсть велень хозяйствань неень шкань техника. Од комбайнатне керить тикшенть ундоксос, кадыть ансяк 2 сантиметрат! А дивавты, мекс велень хозяйствань неень шкань техникасонть важодемась вечкеви од ломантненень. Кода мерсь Мордовиянь Правительствань Председателень васенце полавтыцясь - велень хозяйствань ды продовольствиянь министрась Владимир Сидоров, республикасо седе ламо чачозетне велявтыть тиринь ёнксов, важодить велень хозяйствань предприятиятнесэ. Аграрийтнень туртов 50 тёжат целковоень покшолмасо зарплатась – те норма.
«Магма Хорошее дело» ООО-нь кснавонь паксясь дивавтынзе натой специалисттнэнь. Тесэ учов пек сюпав норов.
Те чистэнть республикань Прявтось истя жо ваннынзе «Калиновское» ООО-нь паксятнень, конатне аштить Дубенкань ёнкссо. Элитной сортонь озимой товзюронь, тритикалень (товзюронь ды розень гибридэнь) ды пиянь пидемань пинемень певтеме паксятне тердить артыцянь кедь. «Калиновскоень» юрсо течи теезь видьмень хозяйства, конась важоди наукань лувонть коряс. Тесэ кастови масторонь видьмень фондось – кснавонь 5 сортт, озимой товзюронь 12 сортт, 2 тритикалеть, эштё – пиянь пидемань пинеме. Пинементь лангс ванозь, Владимир Волков ледстинзе европань аграрийтнень важодемаст марто содавтомань васенце мельтнень, те ульнесь комсь иеде икеле омбо масторсо.
«Мон дивазь ванынь сынст паксяст лангс, косояк арась тикшине, сюронь прятне токшить вейке вейкест, ды арсинь, вана бу минекак истя улевель. А ней неян – минек седеяк вадрят! – мерсь республикань Прявтось. – Тесэ зяро урожайностесь?»
«Гектрастонть сядо центнердэ седе ламо!» – толковизе велень хозяйствань предприятяинь прявтось Петр Кувыркин.
Хозяйствась кемекстась договорт пачтямс видьметь 16 институтс, видевить жо суперэлитной сорттнэ. Цётавкстнэ неявить – урожайностесь гектарсто 100 центнердэ седе ламо, текень пингстэ Мордовиясо кастозь видьметнень улить лия ёнов а молиця ёнксост: а пелить якшамодо, ормадо ды унжадо. А дивавты, те иень норовось Петр Кувыркинэнь рамазь уш ундоксто. Минек аграрийтненень видьме мельга сакшныть весе масторонть келес, истя жо лембе ёнксонь регионтнэстэ.
Республикань Прявтось макссь покш питне мордовиянь аграрийтнень важодемантень.
«Те масторлангонь уровня, вий! Ды миненек а эряви лоткамс изнязенть лангс», - мерсь Владимир Волков.
Маласо шкастонть республикасонть ветяви Мордовиянь велень хозяйствань предприятиянь прявттнэнь промксось, ёвтавить маштомачитне-ёрокчитне, путовить тевть маласо шкантень.
Мордовия Республикань Прявтонть пресс-службась