Мордовиянь Прявтось Владимир Волков февралень 13-це чистэ ваствокшнось Кинематографиянь весероссиянь государственной институтонь ректоронть Владимир Малышев марто. Кортасть ВГИК-нь раськеютконь кизэнь IX школанть Саранскойсэ ютавтомадонзо ды сы шкань вейсэнь важодемадонть.
Киношколась Саранскойсэ ютавтови 2017 иень июлень 3-21-це читнестэ. Мордовияв сыть кода ушодыця киноматографистнэ, истя жо эсь тевест коряс алкуксонь мастертнэ – эсенек масторсто ды томбальде. Колмо недлянь перть киношколань участниктне теевить содавиксэкс Мордовиянь койтнень-кирдатнень ды культуранть марто, мейле ваныцятненень невтсызь республикадонть теезь документальной фильматнень.
Владимир Волков евтась кемема, студентнэ-кинематографистнэ муить Мордовиясто ламо мельстуиця шкинемань мелест-арсемаст топавтомга. Мордовиянь Прявтось истя жо тешкстызе, Саранскойсэ киношколань ютавтомась карми республиканть ды Кинематографиянь весероссиянь институтонть юткссо вейсэнь важодемань ушодксокс. Вастовоманть шкасто тешкстазь республикань творческой коллективтнень туртов профессиональной кадратнень анокстамонть коряс вейсэнь важодемась.
ВГИК-нь ректорось евтась сюкпрянь валт Владимир Волковнень лембе вастоманть кисэ, тешкстызе Саранскойсэ культурань виевчинть, ошонть мазычинзэ, истя жо велень территориятнень вадрялгавтоманть
Вастовомасонть ульнесть Мордовиянь Правительствань Председателенть полавтыцясь Галина Лотванова, республикань Культурань ды национальной политикань министрась Анатолий Чушкин, ВГИК-нь актерской мастерскоень художественной руководителесь, РФ-нь народной артистэсь Владимир Фокин, РФ-нь Госфильмфондонь прявтось Николай Бородачев.
Мордовия Республикань Прявтонть пресс-службась