Велень хозяйствасо мельвановикс важодицят!
Ёвтан тенк седейшкавань поздоровт покш тевенть кувалма – Мордовиясо пурназь 1,5 тоннат сюро!
Эштё зядояк Мордовиянь паксятнестэ эзь пурнаво истямо покш урожай.
Советэнь шкане сехте ламо сюро пурназель 1973 иестэ – вейке миллион 300 тежат тоннат, эрьва гектарстонть саезельть 17 центнерт.
2017 иестэ республикасонть пурназь 1 миллион 467 тежат тоннат сюро. Тешкстаса, те кукурузанть марто вейсэ.
Ней минь саинек 1,5 миллион тоннат, кукурузанть апак лово, эрьва гектарстонть – 35 центнерт. Апак пурна эште 15 тёжат гектарт, тосто саевить эштё малав 50 тежат тоннат сюро. Курок лисить кукурузань пурнамо. Те эштё 150 тёжат тоннат питней фураж.
Тедеде Мордовиясо весемезэ арсеви пурнамс 1 миллион 700 тёжат тоннат! Уш сисемеце ие республикасонть пурнави миллион тоннадо ламо сюро! Те алкуксонь рекорд!
Рекорд, конась изнясь сокицятнень ды сюронь кастыцятнень стака важодеманть, велень хозяйстванть видестэ ветямонть, паксятнесэ икеле молиця технологиятнень ды неень шкань техниканть тевс нолдамонть, федеральной центранть ды Россиянь Президентэнть Владимир Владимирович Путинэнь пельде лезксэнь явоманть вельде. Президентэнть лезксэнзэ вельде Мордовиясо топавтозь АПК-нь покш проектт.
Секскак минек велень хозяйствась невти касома весе ёнкстнэнь коряс.
Те иень 8 ковтнень перть сывелень производствась кассь 10%, ловсонь потявтомась – 6%. Пурназь 1,5 миллиард алт.
Пандемиянть лангс апак вано, минек ярсамопелень ды перерабатывающей предприятиятне эзизь лоткавтокшно тевдеемаст. Ней сынь нолдасть продукция 57 млрд. целковоень питнесэ, ютазь иенть коряс касомась кармась 118%.
Велень хозяйствасо мельвановикс важодицят! Мордовиянь весе эрицятнень пельде ёвтан тенк сюкпря эсь прянь апак вансто важодеманть кисэ!
Сюкпря тиринь ёнксонь вечкеманть, важодеме маштоманть ды вечкеманть кисэ.
Тынь алкуксокс вечксынк ды ванстадо тиринь моданть, вечксынк эсь тевенк. Тень вельде тынь изнятадо покш цётавкст, топавтадо масторонь ды минек республикань продовольственной безопасностенть!
Арсян тыненк ды семиянк туртов кеме шумбрачи, сэтьмечи ды паро эрямо! Ды, нама, вадрясто прядомс сюронь пивсэмань шканть!
Мордовия Республикань Прявтось В.Д.Волков