Мордовиянь Прявтось Владимир Волков республикань весе эрицятнень пельде ёвтась ризкс Ту-154 самолётонть прамсто маштовозетнень малавиксэст туртов
«Республикань весе эрицятнень ды эсень пельде ёвтан седейшкавань ризкс маштовозетнень весе малавиксэст, ялгаст ды мартост важодицятнень туртов. Весе масторонть марто вейсэ минь кирдтяно покш ризкс ломантнень маштовомаст коряс. Те минек вейсэнь, ризксэв ды авелявтовиця ёмаксонок».
РФ-нь оборонань министерстванть Ту-154 самолётось прась декабрянь 25-це чистэ Сочинть малас. Экипаждонть башка, сонзэ бортсонть ульнесть Александровонь лемсэ ансамблянь важодицят, журналистт, военнослужащейть.