Республикань Кудосо ютавтовсь Мордовиянь Прявтонть Владимир Волковонь Сбербанк ПАО-нь Волго-Вятской банконь председателенть Петр Колтыпин марто важодемань вастовомась, конань лувсо токшевсть промышленной ды аграрной производствань, регионсонть эрямонь вадрялгавтомань инвестициянь проекттнэнь ёнкссо вейсэнь лезэнь кандыця важодемань кевкстематне.
Кортавсть льготань ипотекань финасированиянь программанть топавтомань коряс вейсэнь важодемань кевкстематне, истя жо неть кредиттнэнь коряс процентэнь ставкань киртямось. Владимир Волков тешкстызе, регионось саизе эсензэ лангс 5% видьс ипотекань кредиттнэнь коряс процентэнь ставкань велявтомань коряс финансонь сталмонть, те лезды республикань эрицятненень рамамс эсест эрямонь таркат, те канды лезэ строямонь сферань виевгавтомантень. Тешкстазель эрямо таркань строямонь ёнкссо важодиця предприятиятнень кредитованиянь коряс тевтнень эрявиксчись.
Вейсэнь важодемань прявт ёнксокс ёвтазельть истя жо республикань социально-экономической сферань проекттнэнь кредитованиянь кевкстематне, важодемань од таркатнень теемась. Сынст ютксо – вишка ды средней предпринимательствань, велень хозяйствань ды переработкань промышленностень покш производствань, ЖКХ-нь научной арсемань-теемань ёнкссо.
Теде башка, вастовомасонть мольсь кортамо республикань экономикань-хозяйствань весе ёнкстнэсэ аволь наличной расчётонь пельксэнь кастоманть коряс. Покш смусть те саи 2018 иестэ футболонь коряс масторлангонь чемпионатонь инжетнень ды участниктнень вастомантень Саранскоенть анокстамонть лувсо. Мордовиянь Прявтось Владимир Волков ёвтась мель Сбербанконть марто вейсэ теемс те проектэнь топавтоманть коряс важодемань группа, истя жо «Безналичный транспорт» ардомань кисэ пандомань автоматизированной системанть тевс нолдамось.
Петр Колтыпин тешкстызе, Сбербанконть ули мелезэ важодемс региононь правительстванть марто, ды мерсь ванномс башка проекттнэнь седе домкасто.
Вастовомасонть ульнесь Мордовия Республикань Правительствань Председателесь Владимир Сушков.
Мордовия Республикань Прявтонть пресс-службась