Мордовиянь Прявтось Владимир Волков ютавтсь важодемань вастовома Виде демократиянь партиянь генеральной секретаренть Вячеслав Макаров ды партиянь региононь отделениянь координационной советэнь секретаренть, «Байтэкс» ООО-нь генеральной прявтонть Дмитрий Карасев марто.
Вячеслав Макаров ёвтнесь партиянть тевдеемадонзо, сонзэ прявт тевтнеде, электронной лувсо вайгелень максомань опытэнть коряс. Ледстясынек, Виде демократиянь партиясь пурназь те иень эйзюрковсто ды сон ашти Россиясо кочкамонь процесстнэнь цифровизациянть ды электронной лувсо вайгелень максомань системань виевгавтоманть кисэ. РФ-нь Конституцияс кочкамотнень совавтоманть коряс Весероссиянь вайгелень максоманть шкасто Виде демократиянь партиясь невтезель РФ-нь Общественной палатань пельде наблюдательтнесэ дистанционной электронной вайгелень максомань территориальной кочкамонь комиссиятнесэ, истя жо пурнакшнось экспертэнь группа вайгелень максомань молеманть ды результатнэнь мельга ваноманть коряс.
Кортамось истя жо мольсь регионсонть IT-секторонть виевгавтомадонзо.
Вастовомасонть ульнесть Мордовия Республикань Прявтонть Администрациянь руководителесь Андрей Богатов ды Мордовия Республикань Прявтонть Администрациянь руководителень васенце полавтыцясь Валерий Маресьев.
Мордовия Республикань Прявтонть пресс-службась