Мордовиянь Прявтось тешкстызе, оперативной штабонь решениятне кемекставить од тандавкстнэнь мельсэ кирдезь. «Недлянть перть ульнесть пилоттомо ливтнемань аппараттнэнь кавто каявомат. Секскак васенце тевесь - промышленностень, транспортонь, уштомань-энергетической комплексэнь, социальной енксонь ды лия объекттнэнь ванстомась», – мерсь Артём Здунов.
Оперштабонь промкссонть кортавсть истят тандавкстнэнь лисемаст пингстэ вейсэнь тевдеемань лувтнень ладямонь, пачтямонь вейкине лувонь кемекстамонь, истя жо БПЛА-нь редямонь ды а нолдамонь средстватнень тевс нолдамонь кевкстематне. Республикань Прявтось макссь кармавтомат кемекстамс башка тевть, конат аравтозь эрицятнень ванстомантень ды инфраструктурань объекттнэсэ сэтьмечинь топавтомантень, истя жо ютавтомс тренировкат ЧС-нь пингстэ эвакуациянь коряс.
Мордовия Республикань Прявтонь пресс-службась