Гуманитарной лезксэнь пурнамонть коряс меленть евтызь «Заречный» Микшнемань комплексэнтень якицятне ды важодицятне. Сиянь добровольчествань активисттнэ пшкадсть коплексэнь администрациянтень энялдома марто явомс нупаль гуманитарной грузонь пурнамонть туртов, те мелесь кирдезель.
Сиянь волонтертнэ пурнызь посылкатнень – тов путсть сехте эрявиксэнть ванстыцятнень туртов. Эрьва паргонть лангсо сермадозь весемесь, мезе тов путозь, педявтозь Сиянь добровольчествань логотипесь.
«Зярыя читнень перть минь пурнынек эрьва посылканть, путынек эсенек седейтнень лембенть. Минек вейсэнь вийтнень вельде пурназь гуманитарной лезкс. Минь вейсэ!» – мерсь Мордовия Республикань Сиянь волонтертнэнь отрядонь координаторось Лидия Лащ.
#МолодежьМордовии командась ды, нама, минек #ДобровольцыМордовии евтыть сюкпря весенень явозь лезксэнть кисэ.
Ледстясынек, Од ломантнень куншкакуронть юрсо поладови важодемась гуманитарной лезксэнь пурнамонть коряс! Весе эрявиксэнть мереви кандомс эрьва чистэ 9.00-18.00 чассто.
Башка кевкстематне - 8 (8342) 34-06-72