«Карматано ваномо, кодат тевть ней топавтовить регионтнэсэ военнослужащейтненень ды сынст семиятненень лездамонь коряс. Эрьва ломаненть, эрьва семиянть улевельть весе возможностест, конат течи улить реабилитациянь коряс, истя жо эрявикс лезкс важодемань таркань вешнемстэ», – мерсь Светлана Чупшева.
Проекттнэнь, конатнень мереви ламолгавтомс весе масторонть келес, невтизь течинь сессиясонть – онлайн-лувсо сонензэ вейсэндявсть малав 60 регионтнэнь представительтне.
Мордовиянь Прявтонь советникесь, региононь сервисной уполномоченноесь (РСУ) Елена Семелева евтнесь варчамонь проекттэнть – СВО-нь участникень чиденть. Эрьва кодат службатнень ды ведомстватнень представительтне ковозонзо весть ардтнить республикань районтнэс, кунсолыть военнослужащейтнень ды сынст семиятнень пшкадемаст ды тоско ушодыть сынст коряс важодеме. Васняяк, проектэсь аравтозь сень лангс, штобу лездамс эрицятненень, кинь арась возможностест пачкодемс республикань прявтошов.