«Весементь, мезе кармавтыть минек боецтнэ, минь рамсетяно сеть ярмактнень лангс, конатнень пурныть эрицятне, кучить республикань бизнесэнь, предприятиятнень ды организациятнень представительтне, – мерсь «Российский Фонд мира» Мордовия республикань отделениянь Правлениянь председателесь, «Единая Россия» партиянь председателень региононь общественной приемноень председателень полавтыцясь Ольга Филёткина. – Фондось кирди сюлмот Мордовиянь ламот организациятнень марто, ды мон евтан сюкпря весе минек партнертнэнень передовойсэ цератненень лездамонть кисэ».
«Покш сюкпря минек водительтненень. Сынь специальной военной операциянь васенце читнестэ саезь ускить передовоев боецтнэнень весементь, мезе пурныть сынст туртов земляктне», – мерсь Ольга Филёткина.
Неть читнестэ Мордовиясь полады пурнамо гуманитарной сталмонь од партиянть. Республикань эрицятнень пельде пачтязь ярмактнень лангс рамить, васняяк, лембе оршамопельть, стройматериалт, бензопилат, нупальтнень эждемапельть.
«Сюкпря весенень, кие уш явсь лезкс минек цератненень. Минь седе товгак карматано лездамо Тиринь масторонь ванстыцятненень», – мерсь Ольга Филеткина.
«Российский Фонд мира» МРО-сь кирди кеме сюлмот «Единая Россия» партиянь региононь общественной Приемноенть марто, ков сыть яволявтомат аволь ансяк боецтнэнь пельде. «Эрьва кодамо кевкстема марто приемноентень пшкалить боецтнэнь семиятне, ды эрьва пшкадеманть коряс минь лездатано, стакачитнень витемантень вейсэндятано республикань эрьва кодат организацият, министерстват ды ведомстват, – мерсь Ольга Филеткина. - Энялдоматне эрьва кодат».
Военнослужащейтненень лезксэнь пурнамонь коряс важодемась поладови. Лездамс мереви реквизиттнэнь коряс:
Р/с 40703810139150100636 в Мордовском отделении № 8589 ПАО Сбербанк России г. Саранск
к/с 30101810100000000615
БИК 048952615
ОГРН 1071300001740 ОКПО 05835554
ИНН 1326024827
КПП 132601001
Назначение платежа: благотворительное пожертвование на уставные цели.
Иван ПЕТРОВ.