Тешкстазель, республикась сови сеть регионтнэнь юткс, косо ванстовить раськетнень ютксо свалшкань тевтне, ансяк эряви поладомс ды виевгавтомс важодеманть межнациональной ды межконфессиональной енкссо терроризмань ды экстремизмань невтевкстнэнь профилактиканть коряс.
Мордовиянь Прявтось тешкстызе: «Те енкссонть виевгавтови законодательной юрось, конась ветязь Государственной национальной политикань стратегиянтень, целанек национальной законодательствантень ладицякс, истя жо экстремизмань а нолдамонь кевкстематнень коряс. Те важодеманть эряви кирдемс свалшкань ванновт ало».
Республикань руководителесь кармавтсь – профилактикань те важодемантень вейсэндямс общественной организациятнень, духовенстванть, тердемс экспертт, политологт ды правань ванстомань ды виень структурань представительть, общественной мельтнень-арсематнень лидерт, истя жо келейстэ евтнемс эрицятненень раськетнень ютксо а ладямотнень кирвазтемань а нолдамодонть, истямо тевдееманть кисэ покш ответственностенть.
«Башка мель эряви явомс инфраструктуранть, истя жо аэропорттнэнь, вокзалтнэнь антитеррористической ванстомань виевгавтомань кевкстематненень. Эряви теемс весементь сэтьмечинь топавтоманть туртов. Мелень явомась ды покш ответственностесь – вана минек прявт инструментэнек куш-кодат тандавкстнэнь а нолдамонть туртов. Ков седе эрязасто минь карматано нолдамо сынст тевс, тов седе лезэвть кармить ютавтовиця мероприятиятне, седе кемевикс карми транспортонь комплексэнь ды целанек республикань ванстомась», – мерсь МР-нь АТК-нь председателесь.
Повесткань кевкстематнень коряс промкссонть кунсолозь МР-нь культурань, раськень политикань ды архивень тевень министрань полавтыцясь Альберт Сявкаев, МР-нь Образованиянь министрась Елена Солдатова, МР-нь Од ломанень тевтнень коряс государственной комитетэнь председателесь Анастасия Гришнева.
Профилактикань коряс башка тевтнень кортамосо ульнесть Саранскоень ды Мордовиянь митрополитэсь Зиновий, Мордовия Республикань Мусульмантнэнь духовной управлениянь муфтиесь Раиль Асаинов ды Мордовия Республикава Россиянь мусульмантнэнь Центральной духовной управлениянь полномочной представителесь Рафаэль Манюров.
Мордовия Республикань Прявтонь пресс-службась