Мордовиясо «Крокус Сити Холлсо» маштовозетнень коряс ризксэнть кувалма нолдазь государственной флагтне

Мордовиясо «Крокус Сити Холлсо» маштовозетнень коряс ризксэнть кувалма нолдазь государственной флагтне

Эйзюрковонь 24-це чистэ Россиясо «Крокус Сити Холлсо» терактсо жертватнень коряс весераськень ризксэнь чи. Зыянось эзизе кадо мельтеме киньгак. Саранскоень ды республикань районтнэнь эрицятне кандынь стихийной мемориалтнэнень цецят, чевте налшкеть, кирвазтить штатолт маштовозетнень ледстнемга.

Мордовиясо, кода весе масторонть келес, ризксэнть тешкс нолдазь государственной флагтне. А ютавтовить мелень витемань мероприятият.

«Эште весть евтан седейризксэнь валт маштовозетнень малавикстнэнень, чавовозетнень ютксо улить минек землякт. Ознотано томбавозетнень шумбралгадомаст кувалма. Лия ломанень зыян а эрси. Ванстасынек вейсэндявоманть», – мерсь Мордовиянь Прявтось Артём Здунов.