Екатерина Валерьевна чачсь 1990 иестэ Саранскойсэ. 2012 иестэ прядызе Саранскоень кооперативной институтонть «Финансы и кредит» специальностенть «Экономист» квалификациянть коряс, 2022 иестэ – Юстициянь весероссиянь государственной университетэнть, «Юриспруденция» анокстамонь енксонть коряс магистратуранть.
Важодемань тевдееманть ушодызе 2012 иестэ «Мордовский республиканский молодежный центр» Государственной бюджетной учреждениясонть, косо эрьва кодат должносттнесэ, сынст ютксо од ломантнень марто важодемань коряс специалист, отделэнь прявт, прявтонь полавтыця, важодсь 2022 иенть самс.
2022 иестэнть саезь – Мордовия Республикань Спортонь ды од ломанень политикань министерствань од ломанень ушодкстнэнь кирдемань ды патриотической важодемань ладямонь коряс отделэнь прявт, мейле ютась Мордовия Республикань Од ломантнень тевест коряс Государственной комитетэнтень од ломантнень гражданско-патриотической лувсо тонавтомань-превс путомань отделэнь прявтонь таркантень.
Казезь «Молодой лидер кооперативного движения России» Нагрудной тешксэ, «За заслуги. В ознаменование 1000-летия единения мордовского народа с народами Российского государства» Медальсэ, «Доброволец (волонтер) Республики Мордовия» Мордовия Республикань Прявтонь Почетонь тешкссэ.
Мирдень кедьсэ, касты кавто церат.