Мореной тумось – чувтонь пек питней вид, конась куватьс аштесь ведь потсо, сонензэ эзь пачкодь кислород. Те пек питней материалстонть изделиятнень теемс пек стака – эряви видестэ ванстомс, костямс. Мореной тумонь таргамонтень ды изделиятнень теемантень нормативно-технической вешематнень аразьчись эзь нолда отраслянь виевгавтоманть.
Од ГОСТось кандови тумонь субфоссильной чувтосто анокставкстнэнь лангс, документсэнть тешкстазь материалтнэнень, чувтонь костямонь тевентень, мореной тумонь упаковкантень ды маркировкантень, истя жо ускомантень ды ванстомантень вешематне. Стандартось кемексты прявт вешематнень, истя жо карми «раужо алмазонь» анокстамосо ды обработкасо нормативной лия документтнэнь анокстамонь туртов юрокс.
«Минек малав кавто иень вейсэнь важодемань цетавкс. Те эряви производителенть ды рамсицянть туртов, секс мекс максы гарантия анокставксонь вадрячинтень, – сермадсь Мордовиянь Прявтось Артём Здунов эсь телеграмм-каналсонзо. – Мореной тумось – Мордовиянь визитной карточкась, кезэрень промыслась, конань минь вельмевтинек. Мордовиянь лейтнесэ сонзэ покшолматне – 4 млн кубометрат. Касстано– кепедтяно региононь брендтнэнь – топавтано минек Президентэнь кармавтоманть!»
Тешкстасынек, мелят Роспатентэсь тешкстась «Мордовский мореный дуб» географиянь лем.
«Заготовки из субфоссильной древесины дуба (мореного дуба)» стандартось нолдави тевс 2024 иень чадыковонь 1-це чистэнть саезь, карми важодеме 2025 иень панжиковонь 31-це чинть видьс.
Мордовия Республикань Прявтонь пресс-службась