Сурань рубежесь – ломантнень ине тевень невтевкс. Ламотнень туртов сон кармась аволь ансяк оборонань линиякс, а эсест эрямонь линиякс. Тылэнь важодицятнень, рубежень строицятнень ине тевест – Отечествантень служамонь пек покш невтевкс. Войнань иетнестэ рубежень строямосонть ульнесть Мордовиянь малав 70 тежат эрицят. Те ават, эйкакшт, сыре ломанть. Сыре ломантне кирдить мельсэст, кода ютась важодемась: ульнесь виев якшамо, эрьва чинь важодемась сайсь весе вийтнень. Оборонань рубежесь Мордовиясо строязель 45 читнень перть. Сонзэ лангсо тевтне прядовсть 1942 иень якшамковонь 19-це чистэ.
Республикасо топавтозь покш важодема геройтнень-строицятнень эрямодост материалтнэнь пурнамонть коряс. Мордовиянь Прявтонть Артём Здуновонь кармавтоманзо коряс МР-нь Правительствась Россиянь военно-исторической обществанть марто вейсэ ютавтыть кортамот Сурань рубежень строицятненень мемориалонть путоманзо коряс.