Весемезэ жо, кода евтнесь «Российский Фонд мира» Мордовиянь региононь отделениянь правлениянь председателесь, «Единая Россия» партиянь председателень региононь Общественной приемноень руководителень полавтыцясь Ольга Филёткина, иень перть республикастонть кучозь 40 седе ламо гуманитарной партият: ярсамопельть, оборудования, запчасть ды истя седе тов.
«Весе те рамазь предприятиятнень, учреждениятнень ды организациятнень, бизнес-структуратнень ды республикань эрицятнень пельде пурназь ярмактнень лангс. Весемезэ пурназь 130 млн седе ламо целковойть, сынст ютксто 30 миллионтнэнь эсь оляст коряс пурнызь эрицятне. Неть ярмактнень лангс рамави минек боецтнэнь туртов весе эрявиксэсь. Кода икеленсетнеяк, те гуманитарной сталмось пурназь яволявтоматнень коряс, конатнень пачтизь Мордовиянь Прявтонть пингстэ важодемань группантень боевой подразделениятнень командиртнэ. Рамазь тепловентиляторт, бензинэнь ды дизелень генераторт, квадрокоптерт, рацият, дронт ды ламо мезе лия», - тешкстызе Ольга Филеткина.
«Российский Фонд мира» МРО-сь кирди кеме сюлмот «Единая Россия» партиянь региононь Общественной приемноенть марто, ков сыть яволявтомат аволь ансяк боецтнэнь пельде, истя жо СВО-нь участниктнень семиятнень ды малавикстнэнь пельде. Общественной приемнойсэнть истя жо важоди кулянь максомань куншкакуро.
«Военнослужащейтнень малавиксэст эли эсест боецтнэнь вейкеяк пшкадемаст а кадови ванновтомо, лисиця кевкстематнень витемантень вейсэндявить эрьва кодат министерстватне ды ведомстватне», – мерсь Ольга Филёткина.
Сон евтась покш сюкпря водительтненень, кить пачтить гуманитарной сталмотнень эрявикс таркатнес. Сон истя жо евтась покш сюкпря автопредприятиятнень водительтненень, конат эсь автобустнэсэ пачтить тиринь енксов отпусков специальной военной операциянь участниктнень.
Военнослужащейтненень лезксэнь пурнамонь коряс важодемась поладови. Лездамс мереви реквизиттнэнь коряс: Р/с 40703810139150100636 в Мордовском отделении № 8589 ПАО Сбербанк России г. Саранск к/с 30101810100000000615 БИК 048952615 ОГРН 1071300001740 ОКПО 05835554 ИНН 1326024827 КПП 132601001 Назначение платежа: благотворительное пожертвование на уставные цели.
Известия Мордовии