Министрань полавтыцясь ульнесь МР-нь промышленностень, наукань ды од технологиятнень министерствань коллегиянь важодемасонть. «Мон васенцеде Мордовиясо, предприятиятнень, тосо важодиця ломантнень коряс мельтне пек вадрят, – мерсь Василий Шпак. – Отечественной промышленностень виевгавтомантень республикань путовксось редявикс. Ансяк свал ули ков бажамс. Омбо масторонь компаниятнень туемадост мейле рынкасонть чамсть ламо таркат. Россиянь Минпромторгось карми явомо эрявикс лезкс».
2023 иестэ республикасонть промышленной производствань касомась кармась 108%. Предприятиятне эрязасто важодсть госкорпорациятнень ды покш кармавтыцятнень марто, кассть республикань кооперациянь покшолматнень. «2023 иестэ республикасонть топавтовсть 30 седе ламо инвестициянь покш проектт», – тешкстызе Мордовиянь Прявтось Артём Здунов.
Тедеде арсеви нолдамс производстват эште 15 инвестициянь покш проекттнэнь коряс.
Региононь куватьс шкань виевгавтоманть туртов покш смусть канды «Система» экономикань башка зонань ды «Светотехника» индустриальной парконь теемань коряс важодемась. Эште вейке прявт енксось – оптической волокнань производствань виевгавтомась. Те кевкстемасонть республиканть кирдизе Россиянь Федерациянь Президентэсь Владимир Путин.
Кода тешкстазель коллегиясонть, Мордовиясь виевгавты ламот лият покш технологичной ды пек эрявикс промышленной енкстнэнь, улить лия енов а молиця компетенцият, научно-производственной кластерт.
Артём Здунов евтась сюкпря Россиянь Минпромторгонь руководствантень региононь промышленностентень лездамонть кисэ.
Прявт пачтямо марто коллегиясонть пшкадсь МР-нь промышленностень, наукань ды од технологиятнень министрась Игорь Губайдуллин. Мелят региононь промышленной енксось невтсь покш цетавкст кабелень отраслясо, машиностроениясо, фармацевтикасо, стройматериалтнэнь производствасо. Мордовиянь лия енов а молиця производственной комплексэсь невтезь зярыя покш компаниятнесэ ды предприятиятнесэ, сынст ютксо «Оптиковолоконные Системы» АО-сь - Евразийской экономической вейсэндявксонь территориясонть телекоммуникационной оптической волокнань вейкине производителесь.
Мордовиянь каштанчись – кабелень отраслянь предприятиятне. 2023 иестэ масторсонть подвижной составонь сехте покш производителесь «Рузхиммаш» АО-сь (сови «РМ Рейл» компаниянтень) кемекстызе васенце тарканть рынкасонть – нолдазь вагонтнэнь ды контейнертнэнь од модельтнень производствась. Фармацевтикань прявт предприятиясонть - «Биохимик» АО-сонть панжозь антибиотиктнень ды противовирусной препараттнэнь од типтнень производствась.
Коллегиянь чинь повесткань прявт кевкстемакс кармась промышленностесэ кадратнень улемась – предприятиятнень марто вейсэнь тевдеемадонть пачтясь Н.П. Огарев лемсэ МГУ-нь ректорось Дмитрий Глушко. Республикасонть те енкссонть ютавтови покш важодема предприятиятнень, вузтнэнь руководительтнень, важодемань таркатнень максыцятнень вейсэндявкстнэнь марто вейсэ, анокставить вейсэнь программат, истя жо нурька шкань тонавтомань, лия регионтнэстэ вузонь прядыцятнень тердемань, земляктнень велявтомань коряс.
Экономикань башка зонань виевгавтомань коряс арсематнеде евтнесь «Мордовия» ОЭЗ-нь УК-нь генеральной прявтось Павел Рыков.
Коллегиянть прядовомга ютавтовсь промышленностень ды наукань енксонь тевдеемань важодицятнень каземась.
Мордовия Республикань Прявтонь пресс-службась