Июнень 17-це чистэ 2018 иень Масторлангонь чемпионатонь ошонь пресс-центрань инжекс кармась Мордовиянь Госсобраниянь Председателесь Владимир Чибиркин. Сон ёвтынзе эсензэ мелензэ Перунь-Даниянь налксемадонть ды тешкстынзе мундиалень фавориттнэнь.
"Исень чись Мордовиянь туртов ульнесь лиятнень ёнов а молицякс, пек вадрякс. Саранскоень эрицятне паро мельсэ ды ялгаксчисэ вастсть ламо инжеть. Футболонь кенярксчись удалась. Кинь кисэ "сэрединь" те матчсонть? Эштё од шкасто саезь тень вечкеви латиноамерикань футболось, секскак те налксемасонть "сэрединь" Перунь сборноенть кисэ", - мерсь Владимир Чибиркин. Кевкстеманть лангс, кие сонзэ мелензэ коряс лиси масторлангонь чемпионатонь финалс, республикань парламентэнь спикерэсь мерсь: "Нама, кода Россиянь весе эрицятне, мон кирдян эсенек национальной сборноенть. Ансяк, бути кортамс видьстэ, лисемс финалс тензэ ули а шожда. Чемпионатонь фаворитэкс аштить Бразилия, Германия, Португалия ды Испания. Кавтотне эйстэст вастовитькак финалсо", - мерсь В.Чибиркин.