Июлень 6-це чистэ Республикань кудосо ютавтовсь Мордовия Республикасо Коррупциянь а нолдамонь коряс важодемань ладямонь комиссиянь промксось, сонзэ ветясь Комиссиянь Председателень полавтыцясь Геннадий Комусов. Комиссиянь члентнэ кортызь прявт кевкстематнень, сынст ютксо – бюджетэнь ярмактнень ды государственной эли муниципальной азорксчисэ аштиця ули-паронть тевс нолдамсто коррупциянь а нолдамодо законодательствань топавтоманть туртов правань ванстомань ды контролень органтнэнь важодемаст. Теде башка, кортамось мольсь 2017 иестэ «Противодействие коррупции в Республике Мордовия на 2014 – 2019 годы» государственной программанть топавтомадо ды те ёнкссонть Мордовиява МВД-нь важодемань невтевкстнэде.
Комиссиянь промкссонть кунсолозь Мордовия Республикасо Здравоохранениянь министранть Елена Степановань пачтямозо здравоохранениянь ёнкссонть коррупциянь преступлениятнень профилактиканть коряс важодеманть ладямодо. Истя жо кемекстазь муниципальной службасо улиця лицятнень должностной прянь ветямодо ды декларациятнень максомадо вешематнень топавтоманть марто сюлмавозь кевкстематнень ванноманть коряс Комиссиянь важодемань группась.