«Казахстанось – минек редявикс внешнеторговой партнер. Минь кирдтяно вейсэнь тевдеемань сюлмот зярыя енкстнэнь коряс: те промышленностесь – минь пачтятано чугункань кинь вагонт, фиброцементстэ теевкст ды кабелень продукция; образованиясь – минек вузтнэсэ тонавтнить студентт Казахстансто; культурань коряс сюлмотне – тынк масторонь коллективтне примить участия «Соотечественники» театрань фестивальсэнть. Весе те важодеманть карматано поладомо», – тешкстызе региононь руководителесь.
Ерлан Искаков тешкстызе, Россиясь Казахстанонть туртов – прявт партнер: «Лован прявтокс виевгавтомс Мордовиянть марто минек вейсэнь тевдееманть промышленной ды велень хозяйствань енкстнэсэ, культурно-гуманитарной вейсэнь тевдееманть, истя жо виевгавтомс транспортонь-логистикань секторонть».
Тешкстазель: Казахстансо эрить эрзянь-мокшонь диаспорань малав 8 тежат представительть.
Генконсулось евтнесь, Казахстанось виевгавты минек масторсо почетной консульствань институтонть, ды евтась мель теемс Мордовиясо Казахстанонь почетной консулонь пост. Сонзэ важодемантень сови экономикань коряс вейсэнь тевдеемась.
Енкстнэ истя жо кортасть кавто ендонь бизнес-миссиятнень ютавтомадост ды Казахстансо ветявиця раськеютконь форумтнесэ республиканть улемадонзо, сынст ютксо Астанань экономикань форумось.
Мордовия Республикань Прявтонь пресс-службась