Юрий Горюнов евтнесь, те иень кавксо ковтнень перть РФ-нь консолидированной бюджетс пачтязь 38 млрд 908 млн целковойть налогт. Сынст эйстэ малав 26 млрд 217 млн целковойть пачтязь Мордовиянь бюджетс. Ютазь иень теке шканть коряс республикань бюджетс пачтямотне кассть 110,3 проценттс.
Истя жо тешкстазель, налогонь пандоматнень вейсэнь структурасонть покш пельксэнть саизь: физической лицятнень доходост лангс налогось – те малав 34% пачтямотнень вейсэнь покшолманть эйстэ, организациятнень прибылест лангс налогось – 19% седе ламо.
Важодемань вастовоманть лувсо ваннозь региононь налоговой потенциалонь кастомань кевкстематне. Артём Здунов тешкстызе, региононь бюджетс налогонь пачтямотнень эйстэ ашти республиканть туртов социальной прявт тевтнень топавтомась.
Мордовия Республикань Прявтонь пресс-службась