Региононь инвестстандартось аравтозь инвестпроекттнэнь топавтоманть пингстэ бизнесэнть туртов административной пирявтнэнь киртямонть лангс. 2021 иестэ республикась совась 12 варчамонь регионтнэнь юткс сонзэ тевс нолдамонть коряс. Мелят региононь инвестиционной стандартось нолдазь тевс масторонь 70 регионтнэсэ, истя жо Мордовиясо. Те тевенть коряс важодить деловой вейсэндявкстнэ - «Деловая Россия», Торгово-промышленной палатась ды Промышленниктнень ды предпринимательтнень Россиянь вейсэндявксось.
«Регинвестстандартонть аламо нолдамс тевс, сонзэ свалшкане эряви кемекстамс. Течи кортатано седе, кода мари эсь прянзо бизнесэсь, мари-арась административной пирявтнэнь киртямонть, – пшкадсь пурнавозетненень республикань руководителесь. – Минь нейтяно вадря полавтомат – регионсонть ламолгадсть предпринимательтне, сиведезь важодицятне вишка ды средней бизнессэнть, кассь инвестициятнень покшолмась».
Региононь инвестиционной стандартонть тевс нолдамодонзо ды те иентень вешематнеде евтнесь МР-со предпринимательтнень праваст ванстомань коряс уполномоченноесь, «Деловая Россия» МРО-нь председателесь Елена Юрченкова. Мордовиясо пурназь важодемань группа, тов совасть деловой вейсэндявкстнэнь представительтне ды 30 инвестортнэ. Ютавтозь кевкстнемась невтизе региононь инвестклиматсонть вадря енов полавтоматнень.
Республикань инвестиционной виевгавтомадонть пачтямо марто истя жо пшкадсь МР-нь экономикань, микшнемань ды предпринимательствань министрань тевтнень топавтыцясь Иван Горин.
Мордовия Республикань Прявтонь пресс-службась