Александр Пеунков – чачсь Мордовиясо, ули военной службань опытэзэ, ульнесь Мордовия Республикань Прявтонь ды Мордовия Республикань Правительствань Администрациясо коррупциянь ды лия правань коламотнень профилактикань коряс Мордовия Республикань Прявтонь Управлениянь прявтокс.
«Минь кирдтяно те аравтоманть, – мерсь Артём Здунов. - Александр Георгиевичень содасынек вадрясто. Кеман, од таркасонть сонензэ удалы лезэвстэ нолдамс тевс пурназь опытэнть. Судебной приставтнень службанть марто вейсэнь тевдеемась минек ладязь, касы бюджетэнь системас средстватнень пандовтомань коряс важодемань лезэвчись. Тесэ весемесь аволь истя шожда, кевкстематне эште кадовить».
Александр Пеунковнень пшкадемстэ, Мордовиянь Прявтось тешкстызе: «Свал кирдеде мельсэ, ярмактне, конатне пачтявить бюджетс (а сон минек аравтозь социальной тевтнес), эрявить школатненень, больницятненень, уроз-эйкакштненень».
Мордовия Республикань Прявтонь пресс-службась