Евтан тенк седейшкавань поздоровт Россиянь Федерациянь Конституциянть кувалма!
Масторонь Прявт закононь примамонь чись кармась Ине Россиянь од историянь ушодовомакс. Конституциянь прявт принциптне – эрьва ломаненть праванзо ды олячинзэ, апак вано раськентень кандовомантень ды Пазнэнь кемеманть лангс. Сон кармась кеме юрокс гражданской обществань виевгавтоманть, экономикань ды социальной енкстнэнь кемекстамонть туртов.
Конституциясонть тешкстазь положениятне муить топавтома минек эрьва чинь важодемасонть. Мордовиясо топавтовить ламо проектт, конат аравтозь ломантнень эрямост вадрялгавтомантень. Минь тейтяно весементь: эрзянь-мокшонь моданть лангсо эриця раськетне виевгавтовольть эсест культуратнень, ванстовольть койтнень-кирдатнень. Покш важодема ветяви од ломантнень патриотизмань лувсо кастомантень. Эйкакштне содаст историянь алкуксчинть сеть тевтнеде, конат мольсть Россиянь государствасо башка шкатнестэ. Конституциянть лангс нежедезь, минь седе товгак карматано тееме весементь, Россиясь кармазо седеяк виевекс.
Седейшкава арсян весенень вадря эрямо, сэтьме чи ды весементь сехте паронть!
Мордовия Республикань Прявтось А. Здунов