Весененень, кинь эрямост сюлмавозь науканть марто, евтан седейшкавань поздоровт профессиональной кенярксчинть кувалма!
Россиянь науканть сюпав тевкадовксозо ды редявикст изнявксонзо, конатне полавтызь ломантнень эрямост ды тейсть покш путовкс масторлангонь наукань енксонтень. Течи те отраслясь полады касомо-кепетеме ероков ды кемевикс ученойтнень бажамост вельде.
Минек регионсто ванныцятне-тонавтницятне эсь панжомаст вельде теить покш путовкс течинь чинь прявт тевтнень витемантень ды республикань экономикань виевгавтомантень. Тынь лезэвстэ важодтядо наукань весе енкстнэсэ, ладятадо ды кемекстатадо вейсэнь тевдеема Россиянь ды ялгаксчинь мастортнэнь прявт научной куншкакуротнень марто, сайтядо цетавкст «Приоритет 2030» ды «Профессионалитет» программатнень топавтомасо. Минек теевить лабораторият эрявикс енкстнэнь коряс, конат лездыть ютавтомс инновациянь ванкшномат-тонавтнемат.
Прявтось – теемс весементь: Мордовиянь тонавтнемань заведениятне важодевельть предприятиятнень марто кеме сюлмосо. Те вейсэнь тевдееманть вельде лезэвстэ топавтовить прявт проекттнэ.
Евтан седейшкавань сюкпря Мордовиянь ученойтненень важодевкстнэнь-муевкстнэнь кисэ, конат шождалгавтыть Тиринь масторонь ванстыцятнень службаст. Эрьва истямо тынк муевксэсь-теевксэсь – те минек масторонь технологической суверенитетэнь топавтомась ды обороноспособностень кемекстамось.
Арсян весенень кеме шумбрачи, паро эрямо ды од панжомат!
Мордовия Республикань Прявтось А. Здунов