Апрелень 12-це чистэ Россиянь Президентэсь Владимир Путин вастовкшнось Мордовия Республикань Прявтонть марто, сонзэ лувсо Владимир Волков путозь сентябрянь кочкамотнень видьс региононь прявтонь тевтнень топавтыцякс.
«Владимир Дмитриевич, тынь содатадо, те шканть перть ламо теезь, икеле учить седеяк ламо тевть, секскак сень мельс саезь, мезе топавтозь, мезенть эзь удала теемс, республикань эрицятнень мелест-ванновтост ловозь, эряви аравтомс сы шкань важодеманть», – тешкстызе государствань Прявтось.
«Мон мерян тенк топавтомс эсенк тевенк сентябрянь кочкамотнень видьс», – мерсь Владимир Путин.
Сон ёвтась кемема, Волков вадрясто ютавтсы кочкамонь кампаниянть ды поладсы важодеманзо. Эсензэ пельде региононь Прявтось кемевтсь, карми тееме весементь, мезесь ашти сонзэ эйстэ.
Мордовия Республикань Прявтонть пресс-службась