Евтан тенк седейшкавань поздоровт Россиянь студенчествань чинть кувалма!
Татьянань чись – башка чи, конась малавикс эрьвантень, кие зярдо-бути ульнесь студентэкс. Студентэнь иетнень минь ледстнетяно покш лембе марто. Те шка, зярдо эрьвась тонавтни примамс решеният, саемс эсь лангс ответственность ды кочкамс эсь профессиянь кинть.
Мордовиянь студенттнэнь эрямось пек сюпав. Тынь сехте вадрят наукасо, парсте невтядо эрзянь-мокшонь моданть пелькстамотнесэ ды форумтнесэ, эрязасто евтатадо эрьва-кодат ушодкст, конат кармить кеме юрокс прявт панжоматнень туртов. Кеман, тынк од мельтне-арсематне лездыть кемекстамс минек масторонь экономикань суверенитетэнть.
Республикань студенттнэнь седеест псить. Тынь топавтадо паро тевть ды свал аноктадо самс лездамо. Евтан сюкпря эрьва студентэнтень, кие а кадови ве ено ды кирди передовойсэ минек цератнень. Сюконятано сеттнень икелев, кие течи ашти рузонь модань ванстомасо. Сюкпря тетятненень-аватненень ды тонавтыцятненень эсь Отчизнань кемевикс цератнень кастоманть-тонавтоманть кисэ!
Арсян весе студенттнэнень вадря тонавтнема, од изнявкст ды шкинемасо цетавкст. Зярдояк илядо лотка саезенть лангс, виевстэ моледе икелев!
Мордовия Республикань Прявтось А. Здунов