Евтан тенк поздоровт Россиянь Студентэнь отрядттнэнь чинть кувалма!
Россиянь Студентэнь отрядттнэнь движениясь тедеде тешксты 65 иень юбилеенть. Те шканть перть РСО-нь участникекс кармасть 20 миллиондо седе ламо ломанть, топавтозь тежат паро тевть. Студентэнь отрядттнэ ульнесть XX пингень государственной весе покш проекттнэсэ.
Те кенярксчись – студетэнь вейсэндявксонь ерокчинь, мелень явомань ды ответственностень кенярксчи. Студентэнь отрядттнэсэ тынк улемась – те аволь ансяк возможность лездамс лиятненень ды теемс масторлангонть седе вадрякс, истя жо лидерэнь енкстнэнь, важодемань ежонть ды общественной ерокчитнень виевгавтомань лия енов а молиця опыт.
Мордовиянь студентэнь отрядттнэнь боецттнэ свал тосот, косо эряви лезкс: важодить вожатоекс, строителекс, медикекс, проводникекс, официантокс, горничноекс ды трактористэкс. Сюкпря полавтоматнес тынк бажамонк, эсь лангс ответственностень саемань анокчинть ды паронь тееманть кисэ.
Седейшкава арсян тенк эсь вийтнес кемема. Кадык эрьва чись карми тынк туртов эсь мельтнес топавтомантень од эскельксэкс, студентэнь отрядттнэсэ улемась канды кенярксчи.
Мордовия Республикань Прявтонь пресс-службась