«Сафаргалиевской ловноматнень коесь саи ушодксонзо 1996 иестэнть. Гражданственностень ды патриотизмань кевкстемась течи пек эрявикс. Минь нейтяно, кода полавтови масторлангось, минь нейтяно, сеть сюлмотне, конатне икеле ульнесть кеметь, ней яжавить-каладыть. Апак вейсэндя а ули обществань виевгавтома. Течи сась шка теемс кочкамо. Духовно-нравственной виевгавтомавтомо виде кочкамо а тееви», – пшкадсь пурнавозетненень Мордовия Республикань Правительствань Председателесь Дмитрий Поздняков.
Сон истя жо ловнызе мероприятиянтень пурнавозетненень Мордовия Республикань Прявтонь Артём Здуновонь пшкадемазо: «Россиянь Федерациянь Президентэсь Владимир Владимирович Путин аволь весть тешкстакшнызе, патриотической питнейчитне кирдить Россиянь регионтнэнь свалшкань касоманть-кепетеманть. Раськетнень ды религиятнень вейсэнь тевдеемась ветясь культурань лия енов а молиця сюпавчинь ды ломантнень духовной вейкетьксчинь кемекстамонтень. Вейсэндявомань башка ушодксокс весень минек туртов кармась специальной военной операциясь. Минь – масторонь уцяскасо од шкань ушодовомань неицят. Покш Россиясь кармась седеяк покшокс ды виевекс. Прявтось – минь кадовтано вейсэ, вейке стройсэ, кода те ульнесь свал весе минек историянть перть. Кеман, XVII Сафаргалиевской ловноматне кармить эште вейке виев эскельксэкс Россиянь эрицятнень раськень вельмевтемань, кельтнень, культурань, койтнень-кирдатнень ванстомасо-сюпалгавтомасо, вейкень-вейкень чарькодемань сюлмотнень кемекстамосо».
Кавто чинь конференциясонть примить участия 500 седе ламо ломанть Россиянь 13 регионтнэстэ. Сынст ютксо Россиянь наукань академиянь представительть, наукань докторт ды кандидатт, аспирантт, студентт, историянь ды обществознаниянь тонавтыцят, школасо тонавтницят ды истя седе тов.
Мероприятиянть лувсо ютавтовить колмо панельной сессият: «Проблемы многонациональности и поликонфессиональности в региональном дискурсе», «Гражданственность и патриотизм в контексте российской истории», «Историческая память и информационное пространство как факторы формирования гражданственности и патриотизма современной молодежи». Истя жо арсеви ютавтомс кавто панельной пелькстамот – «Опыт работы с молодежью России» ды «Современная молодежная политика в контексте исторического опыта».