Владимир Волков кортынзе 2018 иень васенце кото ковтнестэ Саранскоень телевизионной заводонть важодемань невтевкстнэнь предприятиянь прявтонть Сергей Денисов марто.
Генеральной директорось пачтясь Республикань Прявтонтень, тедедень васенце пель иестэнть Саранскоень телевизионной заводонь продукциянь нолдамонь ды миемань покшолматне кармасть 108 ды 107 проценттэ седе ламо ютазь иень теке шкантень. Истя жо ютазь иенть коряс 120 процентс кассь вейке важодицянть лангс теевксэсь. Предприятиясонть средней зарплатанть покшолмазо 28 тёжадо ламо целковойть. Сергей Денисов ёвтнесь региононь Прявтонтень, 2018-2019 иетнес заказтнэнь покшолмаст карми 3 млрд. целковойде ламо.
Владимир Волков тешкстызе, «СТЗ-нть» неень шкань заказтнэнь лангс апак вано, предприятиянтень эряви саемс рынкань од ёнкст, нежедемс гражданской смустень продукциянь нолдамонть лангс. Те эряви предприятиянь финансонь стабильностенть ды важодиця коллективенть ванстоманзо туртов. Тень пингстэ, кода тешкстызе Владимир Волков, эряви нежедемс гражданской покш технологиянь продукциянь нолдамонть лангс, кастомс предприятиянь диверсификациянь портфеленть.
Саранскоень телевизионной заводонь важодемань кевкстематнень кортамосо ульнесть Мордовиянь Правительствань Председателень васенце полавтыцясь – Экономикань, торговлянь ды предпринимательствань министрась Владимир Мазов ды Мордовиянь Правительствань Председателень полавтыцясь – Промышленностень, наукань ды од технологиятнень министрась Александр Седов.
Мордовия Республикань Прявтонть пресс-службась