Республикань гериатрической куншкакуронть витнемадо-петнемадо энялдоманть марто пшкадсь медицинань те учреждениянь врачось Ольга Батяшева. Сон евтнесь, гериатрической куншкакурось ашти Саранскоень куншкасо, Ленинэнь проспектсэнть, 1953 иестэ строязь эрямо кудонь васенце этажсонть. Меельцеде витнезель 2004 иестэ.
Мордовиянь Прявтось пачтясь Игорь Комаровнень, проектированиянь ды педе-пев витнемань коряс тевтнень топавтоманть лангс контрактось уш тешкстазь. «Минь путтано икеленек шка прядомс витнемань-петнемань тевтнень 2024 иень панжиковонь 31-це чинть видьс, – мерсь Артём Здунов. – Кевкстемась ашти монь ванновт ало».
Мордовия Республиканть пельде приемсонть истя жо ульнесть Мордовия Республикань Прявтонь ды Мордовия Республикань Правительствань Администрациянь руководителесь Булат Хайрутдинов ды шумбрачинь ванстомань министрань васенце полавтыцясь Елена Степанова.
Мордовия Республикань Прявтонь пресс-службась