Кенярксчинь панжомась ютавтови «Огарёв Арена» универсальной залсонть ожоковонь 25-це чистэ 17 чассто 30 минутасто.
Пелькстамотнесэ примить участия 17 сборной командат «РЖД» ОАО-нь весе чугункань китнень-филиалтнэнь пельде ды вейке команда Новороссиянь чугункань китнень. Весемезэ пелькстамо кармить 272 ломанть.
Турнирэнь ваныцятнень туртов анокстазь культурань сюпав программа: морамо кармить сехте вадря шкинемань коллективтне ды кавер-группатне, кармить важодеме сувенирэнь лавкат ды выставкат.
Финалонь матчось, изницятнень ды призертнэнь каземась, пелькстамотнень торжественной пелькстамось ютавтовить «Огарёв Аренасо» ожоковонь 27-це чистэ 17 чассто.
«РЖД» ОАО-нь кубоконть юрсо «Огарёв Аренасо» ютавтови спортонь заслуженной мастерэнть, Россиянь хоккеень Федерациянь президентэнть, РФ-нь Государственной Думань депутатонть Владислав Третьяконь автограф марто клюшкань розыгрышэсь.
Тердтяно весень, кинь ули мелезэ, самс шайба марто хоккеень коряс «РЖД» ОАО-нь ды РОСПРОФЖЕЛ-нь Кубоконтень. Совамось оля. Тешкставомс а эряви.