Евтан тенк седейшкавань поздоровт Содачинть кувалма!
Эрьва ломаненть туртов те чись пештезь седейс токиця ледстнематнесэ, лембе ежотнесэ ды кенярксов учоматнесэ. Сон тешксты од цетавкстнэс сыргамонть. Мордовиясто эйкакштненень весемесь топавтови: тынь васенцеть олимпиадатнесэ, спортонь пелькстамотнесэ, конкурстнэсэ ды гранттнэсэ. Минь кирдтянок тынк кувалма каштанчи ды а кавтолдтано, тонавтнемань од иесь канды од изнямот!
Республикасонть тееви весемесь: минек тонавтомань системасонть улест неень шкань ды вадря класст, тевс нолдавост инновациянь технологиятне, улест весе возможносттне тонавтыцятнень ды эйкакштнень туртов. 2023 иестэ отраслянь вейсэнь бюджетэсь кармась 13 млрд целковойть. Республикань кевейксэе школатне витнезь-петнезь. Содамочистэнть школасо тонавтницятнень туртов кенкшензэ панжсынзе Советской Союзонь Героенть М.П. Девятаевень лемсэ «Высота» образованиянь куншкакурось. Сы иестэнть арсеви панжомс эште кавто од школах – республикань прявтошсо Косаревень курованть эрямонь комплекссэнть ды Белозерье велесэнть.
Сюкпрянь башка валт евтан тонавтыцятненень ды тетятненень-аватненень. Тынь касстадо эйкакштнень, тонавтадо сынст улемс Россиянь гражданинэкс. Кастомс эсь масторонь патриотт, сеттнень, кие карми поладомо минек покштятнень-бабатнень ине тевест, кемекстамо минек Отчизнань виенть ды славанть – минек тынк марто прявт тевесь, конань путызе Россиянь Президентэсь Владимир Владимирович Путин.
Арсян весенень часия, шумбрачи, саемс покш текшт! Кадык тонавтнемань од иесь карми мельстуицякс ды лезэнь кандыцякс!
Мордовия Республикань Прявтось А. Здунов