Московсо, Санкт-Петербургсо ды зярыя лия регионтнэсэ эпидемиологиянь тевтне уш пштилгадыть, лецямонь учреждениятне велявтыть ковидэнь госпитальтнень важодемань лувонтень. Тень кувалма, кода тешкстызе Артём Здунов, эряви важодемс икельдязь ды топавтомс профилактикань весе тевтнень. Прявтось ютксост – вакцинациясь. Эпидемиологтне учить пек стака тувонь грипп. Сеть ломантнень, кить эште эзть кенере путовтомо ливкс, кадовсь овсе аволь ламо шкаст, штобу тень витемс. Республикань Минздравонть пачтямонзо коряс, гриппенть учить ацамковонь омбоце пелькссэнть. Гриппенть ды ковидэнть вейсэндявомась седеяк стакалгавтсызь тевтнень. Важодема таркань максыцятненень кармавтозь маласо читнестэ ютавтомс эсь сотрудниктнень вакцинациянть.
«Те кевкстеманть эряви саемс башка ванновт алов, – тешкстызе Мордовиянь Прявтось. – Эряви явомс мель минек ломантнень сэтьмечинтень».
Башка мель эряви явомс орманть ламолгадомантень медицинань учреждениятнень анокстамонтень: улест таркат, медикаментт, медперсонал.
Коронавирусонь инфекциянть а нолдамонь ды профилактикань коряс оперштабонь важодемань группась истя жо евтась мель се недлястонть саезь кемекстамс медицинань организациятнесэ маскатнень кандтнеманть ды явшемс пациенттнэнь молеманть, школатнесэ – одс велявтомс важодемань кабинетэнь лувонтень.
Мордовия Республикань Прявтонь пресс-службась