Коенть коряс Ловноматне минек республикасо пурныть аволь ансяк региононь образованиянь сферань участниктнень, истя жо Московсто, Рязаньстэ, Курскойстэ ды лия оштнестэ общественной ды гуманитарной содамочитнень коряс содавикс учёнойтнень-исследовательтнень.
Форумонь региононь пельксэнь секциятне ютавтовить вузтнэсэ, истя жо республикань районтнэнь тонавтнемань учреждениятнесэ.
Пленарной промксось ютавтовсь ацамковонь 2-це чистэ Саранскойсэ «Педагог 13.ру» куншкакуросонть. Сонзэ важодемасонзо ульнесть Мордовиянь Прявтось Артём Здунов, Саранскоень ды Мордовиянь митрополитэсь Зиновий, МР-нь Государственной Собраниянь Председателень полавтыцясь Наталья Долматова, МР-нь Образованиянь министрась Елена Солдатова, Мордовиянь госуниверситетэнь ректорось Дмитрий Глушко, педагогтне, общественной деятельтне.
Мордовиянь Прявтось Артём Здунов тешкстызе: свалшкань нравственной питнейчитнень ванстомань смустесь неень шкань обществасонть касы. «Минек туртов прявтось ней варштамс вейке-вейкенень сельмс ды чарькодемс: мезе минь тейтяно сень туртов, штобу малавгавтомс изнямонть, улезэ сэтьмечи, штобу минь седе курок изняволинек нацизманть, сон илязо бажа вельмемс, кадык натой лия государстватнесэ. Кода минь тонавтано-превс путтано эсенек эйкакштнень, кода минь важодтяно од ломантнень марто – эряви тень чарькодемс. Мон арсян, Роштувань ловноматне – те масторонь сехте покш ды научной-тонавтомань редявикс тевтнестэ вейкесь. Сундерьковсто масторонь Президентэсь В. В. Путин эсь Указонзо вельде кемекстынзе духовно-нравственной покш питнейчитнень ванстомань коряс государственной политикань лувтнень. Сынст кемекстамосо покш тарка саи православиясь. Военной фронтось ней тешкстазь, тынь содатадо, косо молить военной тевдеематне. Минь ве минутаскак а стувтнетяно: минек войскатне ней топавтыть пек стака тевть специальной военной операциянть лувсо, ансяк идеологической фронтонть границянзо арастьарасть, сон минек кедьсэ ней тесэ. Ды сень эйстэ, кода минь чарькодьсынек неть тевтнень, кода кирдтяно минек боецтнэнь, ашти пек ламось. Самай истят конференциятнесэ священнослужительтне, ученойтне, педагогтне, НКО-нь представительтне евтыть эсест мелест-арсемаст минек свалшкань питнейчитнень кемекстамонть коряс – те патриотизмась, гражданственностесь, Отечествантень служамось, минек государствань раськетнень вейсэндявомась. Сюкпря Саранскоень ды Мордовиянь митрополитэнтень Зиновийнень сень кисэ: минь тынк марто вейсэ мольтяно школатнес, кортатано эйкакштнень марто, толковатано молиця тевтнеде. Саранскоесь ашти весе Равчирень федеральной округонть туртов православной од ломанень куншкакурокс. Московонь ды весе Русень Патриархонть Кириллэнь лезксэнзэ вельде минек важоди од ломантнень тевест коряс синодальной отделэнь регионъютконь координационной куншкакурось ды «Пересвет» форумось – весе те од ломантнень марто важодемань вейке покш рисьмень пелькскеть», – мерсь республикань руководителесь.
Пленарной промкссонть ды важодемань секциятнесэ кортасть зярыя кевкстематнеде:
– неень шкань ломанень духовной кочкамонь башка енкстнэ;
– покш тердематнень пингстэ ломаненть кастомась-превс путомась;
– светской школасо религиянь просвещениянь ды нравственной тонавтомань-превс путомань башка енкстнэ;
– Россиянь казачествань ды казачьей образованиянь ды воспитаниянь системанть касомань-кепетемань историясь;
- обществасонть монастырьтнень таликась: историясь ды неень шкась;
- эйкакштнень, од ломантнень ды покштнень духовно-нравственной ды патриотической тонавтомасонть-превс путомасонть од енкстнэ.
Ловноматнень весе участниктнень мельс кадовсть валтнэ, конатнень евтызь кадеттнэ:
Береги в себе человека –
С благородством и красотой,
До скончания долгого века
Пусть душа живет чистотой.
Даже если одежда поношена,
Если сам непригляден с лица,
Береги в себе только хорошее,
Человеком будь до конца…
Ванстомс эсеть эйсэ ломаненть, ванстомс честенть, визьдеманть ды чевте седеенть – те прявтось минек эйстэ эрьванть туртов. Карматано мельсэ кирдеме тень!
Мордовия Республикань Прявтонь пресс-службась