Важодемань прявт цетавкстнэнь евтынзе УФНС-нь руководителесь Юрий Горюнов. «Ютазь иень прявт тевекс кармась Вейкине налоговой счетонтень ютамось. Реформанть вельде шождалгавтови налогтнень пандомань системась – ней налогонь весе обязательстватнень бизнесэнтень ды эрицятненень мереви пандомс вейкине пандоманть вельде», - мерсь прявт налоговикесь.
Республикань экономикасонть топавтозь налогонь пачтямотнень вадря динамикась. 2023 иестэ налоговиктне топавтсть бюджетэнь системантень 90 млрд седе ламо целковойтнень пачтямонть (те 14,3% седе ламо 2022 иенть коряс): федеральной бюджетс – 21,9 млрд целковойть, республикань консолидированной бюджетс – 41,1 млрд целковойть, аволь бюджетэнь социальной фондтнэс страховой взностнэ - 27,2 млрд целковойть.
Пачтямотнень касомась топавтозь доходонь весе прявт лисьмапрятнень коряс, аволь покш касома лиссь налооблажениянь шождалгавтозь системань пандоматнень коряс. Те сюлмавозь башка предпринимательтнень ламолгадомаст марто, конат састь минек республикав – 2023 иестэ састь 2158 башка предпринимательть.
Поладовсь бюджетс НДФЛ-нь пачтямотнень вадря динамикась – касомась кармась 115%. Те невтевксэсь лади республикасонть среднемесячной зарплатань касомантень. Истямо жо касома лиссь НДФЛ-нь покшолманть коряс, конась велявтозь бюджетстэ региононь эрицятненень – 1,5 млрд целковойть пачтязь физической лицятнень счетнэс.
2023 иестэ поладозь выездной ванноматнень апак ютавто пандыцятнень пельде тандавкстнэнь эсь мелест коряс витемась. Контрольной ды контрольно-аналитической важодеманть вельде вейсэнь покшолматне кармасть 874 млн целковойть, 200 млн целковойть сынст эйстэ пачтязь республикань бюджетс.
Государственной управлениянь системань одкстомтомань прявт енкстнэстэ вейкесь – государственной услугатнень вадрячинь ды доступностень кастомась. Федеральной налоговой службась прявт нежедькс теи дистанционной лувсо сынст явомаст лангс. Республикань малав 218 тежат эрицятне ды 22 тежадо седе ламо юридической лицятне ды предпринимательтне нолдыть тевс налогонь пандыцянь личной кабинетэнть. Покш важодема ведомствась вети эрицятнень ютксо налогтнень коряс содамочитнень, налоговиктнень квалификациянь профессиональной уровнянь кастоманть коряс.
Мордовиянь Прявтось эсь кортамосонзо тешкстызе: Россиянь ФНС-сь течи – сехте эрязасто виевгадыця структуратнень ютксо вейкесь, конась нолды тевс икеле молиця практикатнень ды технологиятнень. Клиентоориентированностень коряс службанть мереви путомс невтемакс.
«Налогонь органтнэнь важодемаст эйстэ ашти ломантнень паро эрямост, социальной прявт тевтнень, инвестициянь проекттнэнь топавтомась, – тешкстызе Артём Здунов. – 2023 иень невтевкстнэнь коряс тешкстави вадря динамика промышленностесэ ды АПК-со, касстано финанстнэнь управлениянь вадрячинть, важодтяно налогонь юронть ды налогонь доходтнэнь кастомаст коряс. Важодтяно тынк марто вейке командасо!»
Иень невтевкстнэнь коряс республикантень удалась кастомс эсь доходтнэнь пачтямонть – 5 проценттс икеле иень теке шканть коряс, НДФЛ-нть – 2 млрд целковойтнес. Касома марто топавтозь организациятнень прибыленть лангс налогось. Налогообложениянь шождалгавтозь системанть коряс Мордовиянть сехте вадря невтевксэзэ Равчирень федеральной округсонть ды нилеце масторонть келес. Профессиональной доходонть лангс налогонь касоманть коряс республикась истя жо сехте вадря округсонть ды котоце Россиясо. Омбоце ие Мордовиясь васенцетнень ютксо деловой средань ваньксчинть коряс – налогонь пандыцятнень финансонь дисциплинань прявт невтевкс.
Ули-паронь налогообложениянь пелькссэнть истя жо ветяви командань важодема, ули вадря динамика – сонзэ эряви кастомс седе тов. Тешкстазель, мелят одс ванновсь ули-паронь кадастрань питнесь – касомась кармась сеске 40 проценттс.
Те иентень налогонь пачтямотнень покшолматне ловозь 2023 иенть коряс 104% касома марто. Мордовиянь Прявтось мерсь: эряви теемс нежедема администрированиянь коряс важодеманть лангс.
«Целанек иесь прядовсь аволь беряньстэ. Мордовиянть туртов эрьва целковоесь – те пек паро. Самай секскак минь бажатано виевгавтомс экономиканть, штобу топавтомс седе ламо инвестпроектт, штобу ломантне савольть республикав. Тынк марто вейсэ командасо карматано топавтомо налогонь пандоматнень пачтямонть», – мерсь Артём Здунов.
Мордовия Республикань Прявтонь пресс-службась