Политикань ды экономикань коммуникациянь агентствась якшамковонь 9-це чистэ яволявтызе ютазь иень ацамковсто Россиянь сехте виев губернатортнэнь рейтингенть. Сонзэ коряс республикань Прявтось Владимир Волков саизе 12-це тарканть сехте виев руководительтнень группасонть.
Агентствань генеральной прявтонть Дмитрий Орловонь ванновтонзо коряс, прявт ёнксокс, конат лездасть саемс вадря таркатнень, кармасть таркатнесэ инфраструктурань проекттнэнь Центрасонть кирдемась (истя жо китнень строямост коряс), регионсонть каршо молемань тевтне, губернатортнэнь дедявикс ушодкстнэ ды коррупциянь а нолдамонь тевтне.
Ледстясынек, ацамковонь прядовомсто Владимир Волков пачтясь, маласо иетнестэ республикантень арсевить явомс 13 млрд целковойть китнень теемс ды витнемс. Истя, эрьва иестэ регионось ансяк китнень лангс карми получамо малав кавксть седе ламо икеле иетнень коряс.
Эксперттнэнь кевкстнемась, конатнень лангс нежедезь тееви Россиянь сехте виев губернатонтнэнь рейтингесь, ютавтови пекстазь анкетированиянть лувсо. 2018 иень ацамковсто эйсэнзэ ульнесть 28 экспертт: политологт, политтехнологт, медиаэкспертт, журналистт.