Январень 12-це чись – Россиянь Федерациянь Прокуратурань важодицятнень чись. Тедеде тешкстави Россиянь прокуратурань теевемань чистэнть 296 иетнень топодемась. Тень кувалма Мордовиянь национальной драмань театрасонть ютавтовсь кенряксчинь промкс, ков пурнавкшность ведомствань представительтне ды ветерантнэ. Кенярксчинть кувалма прокуратурань органтнэнь важодицятненень поздоровт ёвтась Владимир Волков.
– Историянть перть прокуратурась ульнесь государствань кеме нежекс, правань ванстомань системань прявт пельксэкс, эрицятнень праваст ды
олячист ванстыцякс, – мерсь Владимир Волков. – Тешкстаса, республикасонок ладязь важодемань кеме сюлмо властень органтнэнь ды прокуратуранть юткссо. Тынь, прокуратурань мельвановикс важодицят, тейтядо редявикс путовкс республикань социально-экономической полавтоматнес, Мордовиянь виевгавтомань коряс прявт проекттнэнь топавтомантень.
МР-нь Прявтось тешкстызе, прпокуратурань важодицятнень пшти ванновтост ало кода икелеяк улест эрицятнень башка ктегориясь. Прявтокс ашти ванстомс порядоконть важодемань сферасонть. Истя жо тешкстазель, республикань прокуратурань важодицятне ютазь иестэнть топавтсть покш важодема. Прявт юрокс сонзэ важодемасонть кадови правань ванстомань функциясь. Прокуратурань важодицятнень важодемаст вельде пандозь долгтне зарплатань коряс 16 тёжат важодицятнень икеле, весемезэ 245 млн. ламо целковойть. Зарплатань апандыцятнень коряс ушодозь колмо уголовной тевть.
Башка мель явови ЖКХ-нь сферасо жилищной законодательствань топавтоманть мельга ванномантень, долевой строительстванть пингстэ эрицятнень праваст ванстомантень. Покш важодема топавтозь уголовной судопроизводствасо эрицятнень конституционной праваст ванстоманть коряс. Досудебной пелькссэнть прокурортнэ кардасть малав 27 тёжат коламот.
Профессиянь кенряксчинть кувалма прокуратурань органонь важодицятненень поздоровт ёвтасть МР-нь Госсобраниянь Председателесь Владимир Чибиркин, МР-со прявт федеральной инспекторось Михаил Сезганов, сон ловнызе РФ-нь Президентэнь полпредэнть Михаил Бабичень пельде шумбракстнемань адресэнть, МР-ва Россиянь УФСБ-нь руководителесь Андрей Акулинин, Саранскоень ды Мордовиянь митрополитэсь Зиновий, МР-нь прокурорось Алексей Филимонов.
Профессиянь кенряксчинть кувалма республикань прокуратурань органтнэнь ламот важодицятненень явшевсть государственной покш наградат.
Статьянь авторось: Наталья КРЫЛОВА ("Известия Мордовии")
Прявт фотонь авторось: Олег ЕРЕМИН ("Известия Мордовии")