Евтан тенк поздоровт профессиональной кенярксчинть – Юристэнь чинть кувалма!
Тынк эрямонь тевесь – ванстомс минек эрицятнень видечист ды праваст. Тынк профессиясо арасть стяконь ломанть. Юристэкс кармить сеть, кить вадрясто чарькодить: сынст важодемаст эйстэ ашти ломанень уцяскась.
Республикань юстициянь, адвокатурань ды нотариатонь органтнэ невтизь эсь пряст кода компетентной ды ответственный социальной институт, конась моли ве пильгсэ шканть марто. Тынь честь марто кандтадо эсь службанть, одкстомтадо региононь законодательстванть ды лездатадо виевгавтомс экономикань весе енкстнэнь. Тынь аволь ансяк вадрясто топавтадо весе тевтнень, тынь совавтадо важодемань од лувт.
Мордовиясо ветяви важодема «Квартал юстиции» проектэнь топавтоманть коряс, теезь питневтеме юридической лезксэнь бюро. Сюкпря юристтнэнень, нотариустнэнень сеттненень лездамонть кисэ, кинень частичной мобилизациянть шкасто эрявсь юридической консультация, документтнэнь куроксто теевтемась. Питневтеме юридической лезксэсь явовсь Саранскойсэ, республикань районтнэсэ ды боевой анокстамонь таркатнесэ.
Арсян весенень часия ды паро эрямо! Изнявкст тевтнесэ ды профессиясо покш цетавкст!
Мордовия Республикань Прявтось А. Здунов