Региононь руководителесь евтась сюкпря Борис Грызловнень Беларусь Республикав Мордовиянь делегациянь самонть анокстамосо лездамонть кисэ.
«Неень шкане эряви виевгавтомс лезэнь кандыця вейсэнь тевдееманть, Союзонь государстванть потсо регионтнэнь ютксо кооперациянть, вейсэ важодемс импортонь полавтоманть коряс – истямо тев путсь Россиянь Президентэсь, – тешкстызе Артём Здунов. – Беларусь Республиканть ды Мордовиянть умонь ялгаксчинь ды деловой сюлмост, нолдазь тевс микшнемань-экономической, научно-технической ды культурань вейсэнь тевдеемань коряс вейсладямо. Микшнемань-экономической сюлмотнень Белоруссиясь кирди минек республикань 60 ламо предприятиятнень марто. Минь бажатано келейгавтомс вейсэнь важодеманть, ды аволь ансяк микшнемань-экономической енкссонть, истя жо культурно-гуманитарной сферасонть».
Мордовия Республикань Прявтонь пресс-службась