27 октябрьста Мордовиянь Оцюнясь Артём Здунов ётафтсь рабочай васедема «Сарансккабель» ООО-ть и «Эпромет» ООО-ть собственниконц Владимир Матыцынонь мархта. Корхтафоль инвестиционнай проекттнень и кабельнай отраслять виияфнеманц колга.
Региононь вятись китькстазе: Мордовиянь кабельщикне – промышленностть инголи вятиензон ёткста фкятне. Отраслясь парста виияфневи республикаса 20 киза ни. Од кит-ятт инголенза панчси цифровой экономикать тиемац. Тяниень пингть эряви касфнемс ноляви продукциять лувксонц, панчсемс лац пандови покодемань од вастт.
Тяддень 9 ковста «Сарансккабельсь» няфтсь 110 процентта касома мелянь кизоть коряс, «Эпрометсь» - 115 процент. Завоттнень продукциясна пачфневи СНГ-нь 7 странав, а стане жа Монголияв и Литвав.
Стане жа корхтафоль алюминиевай катанкать производстванц ладяманц колга. Тя ширети нолдаф инвестициятнень марстонь лувкссна – 1 миллиартта лама цалковай. Панчф покодемань 150 од васта.
Рабочай васедемаса ульсть МР-нь Правительствать Оцюнянц васенце полафтыец Игорь Фрейдин и МР-нь промышленностень, наукань и од технологиянь министрть тевонзон тиендисна Игорь Губайдуллин.
Мордовия Республикань Оцюнять пресс-службац