Мордовиянь Оцюнясь Владимир Волков кучсь поздравительнай телеграмма содаф хоккеистти Александр Овечкинонди. Тячи Стэнлинь кубканц получаенцты, «Вашингтон Кэпиталс» клубть капитанонцты, странань сборнайть лувксса миронь чемпионти топодсь 35 киза.
Поздравлениять эса корхтави: «Примайть Шачема шицень мархта седи ваксстонь поздравлениятнень! Арьсян тейть кеме шумбраши, семейнай благополучия и Российскяй Федерациять панчфокс панжеманкса спортивнай од сатфкст!»
Лятфтасаськ, што Овечкинонь щятяц и щавац шачемас-касомас коре Мордовиянь Теньгушевскяй райононь Шокша велеста, Овечкинонь тядяц стане жа Мордовияста. Тяда башка, Александр сувси Мордовиянь Оцюнять видеса физическяй культурать и спортть виияфнемаснон коряс советть лувксс.