Республикань ошонь ды велень школатнес максозь школань 97 од автобуст. Больницятнес сась медицинань куроксто лезксэнь явомань 121 машина ды лецямонь-диагностикань таркасто таркас пачтявиця 11 комплекст.
Течи Мордовиянь идицятнень улить неень шкань машинаст ды оборудованияст – неть иетнень перть МР-со Россиянь МЧС-нь управлениянь службантень пачтязь спецтехникань 129 единицат. Мордовиянь Внутренней тевень министерствантень пачтязь 497 автомобильть.
Истя, 2012-2018 иетнень перть республикань китнень лангсо кармасть од, неень шкань техникань 1205 единицат, конат эрьва чистэ топавтыть прявт тевть, тень вельде вадрялгавтыть ломантнень эрямост. Те топавтовсь Россиянь Президентэнть В.В.Путинэнь Мордовиянтень мелень явоманзо, масторонь Правительстванть лезксэнзэ, Государственной Думасо ды Федерациянь Советсэ республикань представительтнень лезэв важодемаст вельде.